Астрономска слика на денот

Откриј го космосот! Дневна слика за астрономијата и астронаутиката со кратко објаснување од астрономите.

27 април 2026

Кометата R3 PanSTARRS зад трагите на сателитите

Kredit za слику & autorska prava: Uli Fehr

Објаснување: Можете ли да ја пронајдете кометата? Некаде низ оваа мрежа од траги на сателити се наоѓа кометата C/2025 R3 (PanSTARRS), светол посетител што минува низ внатрешниот Сончев Систем. Самите сателити во орбитата изгледаат како линии само поради долгата експозиција на камерата, која во овој случај траела повеќе од 10 минути. Спротивно на тоа, за човечкото око сателитите изгледаат како точки што полека се движат низ ноќното небо и сјаат од одбиената сончева светлина — најчесто веднаш по зајдисонце и пред изгрејсонце. Прикажаната фотографија е направена непосредно пред изгрејсонце пред две недели од Баварија, Германија. Во моментов, кометата R3 PanSTARRS тешко се забележува и од уште една причина — затоа што е аголно многу блиску до Сонцето. Додека кометата го обиколува Сонцето, најдобро ќе може да се набљудува во следните недели од небото на јужната хемисфера, иако тогаш веќе ќе се движи кон меѓуѕвездениот простор и постепено ќе слабее. Ако сè уште не сте ја пронашле кометата, не очајувајте; погледнете повнимателно малку над центарот на сликата.