Астрономска слика на денот

Откриј го космосот! Дневна слика за астрономијата и астронаутиката со кратко објаснување од астрономите.

26 април 2026

Уништување на мистичното планинско чудовиште

Kredit za слику & autorska prava: a href="https://hla.stsci.edu/">Hubble, NASA, ESA; Processing & License: Judy Schmidt

Објаснување: Во внатрешноста на главата на ова меѓуѕвездено чудовиште се наоѓа ѕвезда што полека го уништува. Огромното чудовиште, кое всушност претставува нежива низа од столбови од гас и прашина, се протега на должина од повеќе светлосни години. Ѕвездата во неговата глава не е директно видлива низ непроѕирната меѓуѕвездена прашина, но делумно пробива нанадвор исфрлајќи спротивно насочени млазови од енергетски честички познати како Хербиг-Харо млазови. Сместени на околу 7.500 светлосни години оддалеченост во маглината Карина и неформално познати како Мистична Планина, изгледот на овие столбови е доминиран од темна прашина иако тие главно се составени од проѕирен водороден гас. Прикажаната слика е снимена со вселенскиот телескоп Хабл. Насекаде низ овие столбови, енергетската светлина и ветровите од масивни новоформирани ѕвезди ги испаруваат и распрснуваат прашливите ѕвездени расадници во кои тие настанале. Во рок од неколку милиони години, главата на овој џин, како и поголемиот дел од неговото тело, целосно ќе испари под влијание на внатрешните и околните ѕвезди.