Астрономска слика на денот

Откриј го космосот! Дневна слика за астрономијата и астронаутиката со кратко објаснување од астрономите.

21 јули 2026

Карпа-желка на Марс

Кредит за сликата & авторски права: NASA/JPL-Caltech/MSSS; Processing & License: Thomas Thomopoulos

Објаснување: Дали ова е фосилизирана желка на Марс? Не. Иако наликува на голема копнена желка од Земјата, всушност станува збор за слоевит карпест изданок на Марс, чија должина се проценува на околу 15 метри — многу повеќе од која било желка на Земјата. Роботското возило Curiosity на NASA минатиот месец наиде на оваа необична карпеста формација, наречена Miraflores, за време на својот 4922. Mарсовски ден од истражувањето на Црвената Планета. Можно е овој мал карпест рид да опстанал затоа што бил поотпорен на ерозија од околните карпи. одоцнежните ветрови го прекриле неговиот врв со портокалов марсовски песок. Под „оклопот“ на врвот јасно се гледаат бројни слоеви на наслагани карпи. Тие можеби сведочат за долга историја во која ветерот повремено таложел песок, а подземната вода подоцна го зацврстувала. Слични слоевити форми, обликувани од ветерот, постојат и на Земјата, како што се јарданзите во пустината Кајдам во Кина. Curiosity и неговиот придружник Perseverance продолжуваат да ја истражуваат древната историја на Марс, истовремено трагајќи по можни знаци на најраниот живот.