Астрономска слика на денот

Откриј го космосот! Дневна слика за астрономијата и астронаутиката со кратко објаснување од астрономите.

18 јануари 2026

Јупитер од вселенскиот телескоп Веб

Кредит за слика & авторски права: NASA, ESA, CSA, Jupiter ERS Team; Obrada: Ricardo Hueso (UPV/EHU) & Judy Schmidt

Објаснување: Овој инфрацрвен поглед на Јупитер од Веб е навистина просветлувачки. Високорезолутивните инфрацрвени снимки на Јупитер направени со вселенскиот телескоп Џејмс Веб (Веб) откриваат, на пример, разлики меѓу високо лебдечките светли облаци — вклучувајќи ја и Големата Црвена Дамка — и ниските, темни облаци. Јасно видливи на прикажаната слика од Веб се и прашливиот прстен на Јупитер, светлите поларни аурори, како и месечините на Јупитер, Амалтеја и Адрастеја. Во јужната аурора се забележува и трагата од магнетното насочување на наелектризирани честички од големата вулканска месечина Ио кон Јупитер. Некои објекти се толку светли што светлината забележливо се дифрактира околу оптиката на Веб, создавајќи светлосни пруги. Веб, кој орбитира околу Сонцето во близина на Земјата, има огледало со пречник поголем од шест метри, што го прави најголемиот астрономски телескоп некогаш лансиран — со повеќе од шест пати поголема површина за собирање светлина од Хабл.