Објаснување:
За првпат сведочиме како надворешната планета Уран излегува во центарот на вниманието и прави своевидно космичко вртење. Уран е една од најнеобичните планети во Сончевиот Систем, навалена на страна и ротира како печено пиле на ражен. Прикажаното видео е составено од повеќе од 1000 спектри снимени во текот на 15 часа непрекинато набљудување со инструментот NIRSpec на JWST додека Уран се врти. Податоците го прикажуваат однесувањето на јоносферата на Уран — јонизираниот слој од атмосферата на една планета кој силно взаемодејствува со нејзиното магнетно поле. Розевкастото светкање на поларната светлина го следи сложеното заемно дејство меѓу несовпаѓањето на ротационата и магнетната оска на Уран. Облаците се гледаат како светли точки што се движат преку ледениот џин. Сините до црвените бои претставуваат премин од пониски кон повисоки височини и прикажуваат сосема нов тридимензионален поглед на тоа како енергијата се распределува низ атмосферата на планетата. На сликата лево, целата сцена е врамeна од прстените на Уран. Ова е досега најдеталниот поглед во атмосферата на Уран!
