Астрономска слика на денот

Откриј го космосот! Дневна слика за астрономијата и астронаутиката со кратко објаснување од астрономите.

10 juni 2026

Маглината Орел и пријателите

Kredit za sliku & autorska prava: Emmanuel Delgadillo
Text: Keighley Rockcliffe (NASA GSFC, UMBC CSST, CRESST II)

Објаснување: Што изгледа како да ќе ги проголта прочуените Столбови на создавањето? Маглината Орел (M16) не е ниту птица, ниту авион, ниту Супермен. M16 всушност претставува комбинација од неколку небесни објекти. NGC 6611 е младо ѕвездено јато кое како да ѕирка под „крилјата“ на Орелот. Ултравиолетовото зрачење од овие ѕвезди го јонизира околниот гас, создавајќи ја емисионата маглина IC 4703. Ѕвездениот столб (Stellar Spire) може да се види како од левата страна се протега кон Столбовите на создавањето. Двете структури се составени од студен гас и прашина и претставуваат идеални места за создавање нови ѕвезди. Некои астрономи претходно сметале дека супернова веќе ги испарила Столбовите на создавањето. Бидејќи M16 е оддалечена околу 6.000 светлосни години, нивното уништување не би можеле да го видиме уште илјадници години. Меѓутоа, не постојат убедливи докази за претпоставената супернова, па Столбовите на создавањето веројатно ќе продолжат да создаваат нови ѕвезди уште милиони години.