IC CCCXLII: Galaxia abscondita in Camelopardali

Credita imaginis et iura auctoralia: Gaetan Maxant

Explicatio: Magnitudine similis magnis et splendidis galaxiis in vicinia nostra, IC CCCXLII tantum circiter decem miliones annorum-lucis abest, in parte septentrionali constellationis longicolli Camelopardalis. Haec late patens universi insula alioquin conspicua esset in caelo nocturno nostro, sed a conspectu aperto latet et solum per velum stellarum, gasii et nubium pulveris, quae per planum propriae Viae Lacteae iacent, conspicitur. Quamvis lux IC CCCXLII a nubibus cosmicis interpositis attenuetur et rubescat, haec imago telescopica clara proprium pulverem obscurantem galaxiae, iuvenes globos stellarum atque regiones stellarum nascentium fulgentes ostendit, per brachia spiralia a nucleo galaxiae longe extensa. IC CCCXLII recens incrementum formationis stellarum passa est atque satis prope est ut evolutionem gregis localis galaxiarium et ipsius Viae Lacteae affecerit.

Imago crastina: Canis solis contra canem Terrae

Pagina originalis: Astronomy Picture of the Day

Auctores et curatores: Robert Nemiroff (MTU) & Jerry Bonnell (UMCP)
Officialis NASAe Amber Straughn Iura specialia valent.
NASA Retis Privata, Accessibilitas, Monita;
Officium ab ASD apud NASA / GSFC,
NASA Scientiae Activatio
& Michigan Tech. U.

COTIDIANA APOD INTERPRETATIO IN LATINUM CLASSICUM, SCIENTIAM RECENTEM CUM PATRIMONIO LATINO CONIUNGENS.
Pro NASA APOD in linguam Latinam vertunt: Marcus Aurelius Manilius & Dipl.Ing.Dr. Liliana Gracanin
-- UNIVERSAE INTERPRETATIONES APOD LILIANAE GRACANIN --
Gratias ago pro auxilio technico
APOD Crew & Saša Gračanin