Coronae glaciei sub luce Lunae et Solis

Credita imaginis et iura auctoralia: Antonella Cicala

Explicatio: Utraque, Luna et Sol, pulchras coronas glaciei in caelo Terrae gignunt. Re vera, duo clarissima sidera caelestia ambitu multiplicium coronarum hic cinguntur, in imaginibus caeli super Chamonix-Mont-Blanc in Gallia captis. Una tabula noctu facta est (sinistra), altera postridie, ad finem mensis Decembris anni MMXXV. Coronae glaciei similes et sub luce Lunae et sub luce Solis apparent, quoniam omnes ex geometria crystallorum glaciei planorum hexagonorum oriuntur. Crystalla lucem reflectunt atque refringunt dum in frigida atmosphaera supra montanum oppidum leviter moventur. In imaginibus, et Luna et Sol communi circulo coronae viginti duorum graduum circumdantur. Maculae clarae, interdum coloratae, quae in sectionibus huius coronae cum arcubus parselenicis et parhelicis oriuntur, canes Lunae et canes Solis appellantur. (Nota editoris: annotationes a Marcella Pace renovatae sunt.)

Imago crastina: Contra Solem

Pagina originalis: Astronomy Picture of the Day

Auctores et curatores: Robert Nemiroff (MTU) & Jerry Bonnell (UMCP)
Officialis NASAe Amber Straughn Iura specialia valent.
NASA Retis Privata, Accessibilitas, Monita;
Officium ab ASD apud NASA / GSFC,
NASA Scientiae Activatio
& Michigan Tech. U.

COTIDIANA APOD INTERPRETATIO IN LATINUM CLASSICUM, SCIENTIAM RECENTEM CUM PATRIMONIO LATINO CONIUNGENS.
Pro NASA APOD in linguam Latinam vertunt: Marcus Aurelius Manilius & Dipl.Ing.Dr. Liliana Gracanin
-- UNIVERSAE INTERPRETATIONES APOD LILIANAE GRACANIN --
Gratias ago pro auxilio technico
APOD Crew & Saša Gračanin