Објаснување:
Како би изгледало да се напушти планетата Земја? Ваков настан е забележан со голема прецизност со вселенското летало MESSENGER, додека во 2005 година повторно поминуваше покрај Земјата на својот пат кон планетата Меркур. Земјата може да се види како ротира во ова забрзано видео, додека се оддалечува. Осветлената половина од Земјата е толку светла што ѕвездите во позадина не се видливи. Роботското летало MESSENGER, кое орбитираше околу Меркур од 2011 до 2015 година, ја изработи првата целосна карта на површината на Меркур. Повремено, MESSENGER погледнуваше назад кон својот матичен свет. MESSENGER е едно од ретките нешта создадени на Земјата кои никогаш нема да се вратат. На крајот од својата мисија, MESSENGER намерно беше насочено кон судир со површината на Меркур.
