Астрономска слика на денот

Откриј го космосот! Дневна слика за астрономијата и астронаутиката со кратко објаснување од астрономите.

21 мај 2026

Судир на галактички јата

Kredit za sliku & autorska prava: X-zraci: NASA/CXC/CfA/C. Watson et al.; Optički: PanSTARRS; Image Processing: NASA/CXC/SAO/N. Wolk and P. Edmonds
Tekst: Cecilia Chirenti (NASA GSFC, UMCP, CRESST II)

Објаснување: Оваа голема и прекрасна спирала сјае во рендгенска светлина. Таа е околу 20 пати поголема од нашата Галаксија. Припаѓа на Abell 2029, галактичко јато оддалечено околу една милијарда светлосни години. (Ако сакате да ги видите само галаксиите, следете го овој линк.) Галактичките јата се најголемите структури во Вселената што ги одржува гравитацијата. Abell 2029 е составено од илјадници галаксии, опкружени со огромен облак од жежок гас и темна материја со маса еднаква на стотици трилиони Сонца. Спиралата е составена од гас, претежно водород и хелиум, загреан до десетици милиони степени. Во едно неодамнешно истражување, користејќи податоци од рендгенската опсерваторија Chandra на NASA, било откриено дека Abell 2029 се судрило со помало јато пред околу четири милијарди години. Судирот влијаел врз гравитациското поле и предизвикал гасот меѓу галаксиите да се разбранува, слично како вино што се движи во винска чаша, создавајќи ја оваа спирална форма.