Астрономска слика на денот

Откриј го космосот! Дневна слика за астрономијата и астронаутиката со кратко објаснување од астрономите.

11 јануари 2026

M104: Sombrero галаксијата во инфрацрвено

Кредит за слика & авторски права: NASA, JPL, Caltech, SSC, R. Kennicutt (Steward Obs.) et al.

Објаснување: Овој лебдечки прстен е со големина на една галаксија. Всушност, тоа и е галаксија — или барем дел од неа: фотогеничната Сомбреро галаксија, една од најголемите галаксии во блискиот Јат на галаксии Девица. Темната лента од прав што го прикрива средишниот дел на Сомбреро галаксијата во видлива светлина, всушност силно свети во инфрацрвената светлина. Прикажаната слика, дигитално изострена, го покажува инфрацрвениот сјај, неодамна снимен од орбитирачкиот Спицеров вселенски телескоп, наложен во лажни бои врз постоечка слика направена со Вселенскиот телескоп Хабл на НАСА во видлива светлина. Сомбреро галаксијата, позната и како M104, се протега на околу 50.000 светлосни години и се наоѓа на оддалеченост од 28 милиони светлосни години. M104 може да се види со мал телескоп во правец на соѕвездието Девица.