Астрономска слика на денот

Откриј го космосот! Дневна слика за астрономијата и астронаутиката со кратко објаснување од астрономите.

08 септември 2026

Хабл: Десетаголник околу Јужниот Пол на Сатурн

Кредит за сликата & авторски права: NASA, ESA, STScI, HST; A. Sánchez-Lavega (UPV), A. Simon (NASA-GSFC), M. Wong (UC Berkeley); Processing: A. Pagan (STScI)

Објаснување: Зошто половите на Сатурн се геометриски? Северниот Пол на Сатурн е познат по тоа што е опкружен со шестоаголен (6 страни) облак уште од откривањето во 1987 година во податоците земени од вселенските летала Војаџер на НАСА, кои брзо прелетаа покрај прстенестиот свет во раните 1980-ти. Сега, неодамнешните набљудувања на Сатурн од вселенскиот телескоп Хабл откриваат малку поинаков геометриски модел на облаци околу Јужниот Пол: десетаголник (10 страни). Геометриските граници веројатно се предизвикани од бранови кога брзо се движи гасот подалеку од половите комуницира со побавно движечки гас поблиску до половите. Во композицијата на претставени слики од Хабл направена минатата година, Јужниот Пол на Сатурн е обележан со X и е опкружен со ленти од циркулирачки облаци. Десетаголникот се појавува најизразен во темните внатрешни региони. Северниот шестоаголник се покажа стабилен повеќе од 40 години, додека стабилноста на јужниот десетаголник сигурно ќе остане тема на истражување.