Астрономска слика на денот
Откриј го космосот! Дневна слика за астрономијата и астронаутиката со кратко објаснување од астрономите.
06 новември 2026
Збогум, „Свифт“
Kredit za sliku & autorska prava: NASA/Swift and AndreaMosaic
Објаснување: Време е да се простиме од опсерваторијата „Нил Герелс Свифт“ (Neil Gehrels Swift Observatory) на НАСА. По речиси 22 години служба, сателитот повторно навлезе во Земјината атмосфера на 4 ноември, во 7:39 часот по источно стандардно време (EST), над регионот Северна Суматра во Индонезија. Прикажаната слика претставува мозаик создаден во 2018 година, составен од дел од првиот милион снимки направени со ултравиолетовиот/оптичкиот телескоп на сателитот. „Свифт“ поседуваше низа инструменти, вклучувајќи рендгенски телескоп и телескоп за гама-зраци, кои заеднички ѝ овозможија на човештвото со досега невидени детали да ги проучува најбрзите и најенергетските експлозии во вселената. Најновиот сончев максимум го забрза опаѓањето на орбитата на сателитот. Иновативната мисија за спасување на „Свифт“ преку подигнување на неговата орбита не беше успешна. При повторното влегување во атмосферата, „Свифт“ изгоре како ѕвезда-падналка, но импресивните податоци собрани од телескопот во текот на неговата мисија ќе продолжат да фрлаат светлина врз мистериите на космосот уште долги години. Нека тој продолжи да инспирира нови мисии, кои смело ќе зачекорат во вселената, ќе истражуваат нови податоци и ќе трагаат по нови научни сознанија.
Утрешната слика: Месечев масив
Оригинална страна: АПОД на англиски јазик
Автори & уредници:
Роберт Немироф
(MTУ) &
Џери Бонел (УМЦП)
NASA официјално: Амбер Строн
Се применуваат посебни права.
НАСА веб приватност,
Пристапност,
Известувања;
Услуга од:
АСД код
НАСА /
ГФСЦ,
НАСА научна активација
& Мичиген Тех.У.
Дневниот превод на АПОД на македонски јазик ја поврзува современата наука со македонската јазична традиција.
За NASA APOD на македонски јазик преведуваат:
Киро Стојанов &
Дипл инг Др Љиљана Грачанин
-- СИТЕ АПОД ПРЕВОДО НА ЉИЉАНА ГРАЧАНИН --
Им се заблагодарувам на техничката помош
АПОД Екипа &
Саша Грачанин