Астрономска слика на денот

Откриј го космосот! Дневна слика за астрономијата и астронаутиката со кратко објаснување од астрономите.

03 јануари 2026

Полн месечински сјај

Кредит за слика & авторски права: Zhengjie Wu and Jeff Dai (TWAN)

Објаснување: Полната Месечина е најсветлата месечева фаза, а вечерва можете да стоите во светлината на првата полна mесечина во 2026 година. Всушност, полната фаза на Месечината настапува на 3 јануари во 10:03 UTC, додека само околу 7 часа подоцна планетата Земја го достигнува својот перихел за 2026 година — најблиската точка во својата елиптична орбита околу Сонцето — во 17:16 UTC. Јануарската полна Месечина исто така не беше далеку од својот перигеј, односно најблиското приближување до планетата Земја. За оваа лунација, перигејот на Месечината беше на 1 јануари во 21:44 UTC. Можете да ја забележите и планетата Јупитер, близу до својата најголема сјајност за 2026 година и привидно блиску на небото до полната Месечина вечерва. Но додека го набљудувате ноќното небо, не заборавајте да погледнете и по ретките, светли огнени топки од метеорскиот дожд Квадрантиди.