Астрономска слика на денот

Откриј го космосот! Дневна слика за астрономијата и астронаутиката со кратко објаснување од астрономите.

31октомври 2025

Духови во Касиопеја

Kredit za sliku & autorska prava: Alex Rodriguez

Објаснување: Ноќта на Вештерките е и астрономски празник, а чудни облици секогаш демнат на ноќното небо на планетата Земја. Всушност, близу центарот на овој телескопски поглед кон соѕвездието Касиопеја, овие меѓуѕвездeни облаци IC 59 (лево) и IC 63 изгледаат духолико во космични размери. Оддалечени околу 600 светлосни години, облаците не се вистински духови — но полека исчезнуваат под влијание на енергетското зрачење од жешката, светла ѕвезда Гама Каси. Најсјајната синкава ѕвезда во рамката, Гама Каси, физички е оддалечена само 3 до 4 светлосни години од овие маглини. IC 63, која се наоѓа малку поблиску до Гама Каси, е доминирана од црвеното H-алфа зрачење што го емитува водородот кога јонизиран од ултравиолетовото зрачење на жешката ѕвезда повторно се соединува со електрони. Подалеку од ѕвездата, IC 59 исто така покажува H-алфа емисија, а двете маглини светат со карактеристичниот синкаст отсјај на прашината што ја одразува ѕвездената светлина. Погледот опфаќа околу 2 степени или околу 20 светлосни години на претпоставената оддалеченост на овие меѓуѕвездени „привиденија“.

Утрешна слика: Седумте страшни сестри

Оригинална страна: АПОД на англиски јазик

Автори & уредници: Роберт Немироф (MTУ) & Џери Бонел (УМЦП)
NASA официјално: Амбер Строн Се применуваат посебни права.
НАСА веб приватност, Пристапност, Известувања;
Услуга од: АСД код НАСА / ГФСЦ,
НАСА научна активација
& Мичиген Тех.У.

Дневниот превод на АПОД на македонски јазик ја поврзува современата наука со македонската јазична традиција.
За NASA APOD на македонски јазик преведуваат: Kiro Stojanov & Dipl.Ing.Dr. Liliana Gracanin
-- СИТЕ АПОД ПРЕВОДО НА ЉИЉАНА ГРАЧАНИН --
Им се заблагодарувам на техничката помош
АПОД Екипа & Saša Gračanin