Астрономска слика на денот

Откриј го космосот! Дневна слика за астрономијата и астронаутиката со кратко објаснување од астрономите.

11 декември 2025

Галаксии во Реката

Кредит за слика & авторски права: Vikas Chander

Објаснување: Големите галаксии растат така што ги „јадат“ малите. Дури и нашата галаксија се вклучува во еден вид галактички канибализам, впивајќи мали галаксии што се премногу блиску и што ќе бидат заробени од гравитацијата на Млечниот Пат. Всушност, таквата практика е вообичаена во Универзумот и е илустрирана со овој впечатлив пар интерактивни галаксии од бреговите на јужното соѕвездие Еридан — Реката. Оддалечени повеќе од 50 милиони светлински години, големата, искривена спирална галаксија NGC 1532 е видлива како е „заклучена” во гравитациска борба со џуџестата галаксија NGC 1531 — борба што помалата галаксија конечно ќе ја изгуби. Видена речиси од работ, на оваа остра снимка спиралата NGC 1532 се протега околу 100.000 светлински години. Се смета дека парот NGC 1532/1531 е сличен на добро проучениот систем составен од спирална галаксија гледана „од лице“ и нејзиниот мал придружник, познат како M51.