Астрономска слика на денот

Откриј го космосот! Дневна слика за астрономијата и астронаутиката со кратко објаснување од астрономите.

06 декември 2025

Аполо 17 кај кратерот Шорти

Кредит за слика & авторски права: Apollo 17 Crew, NASA

Објаснување: Пред педесет и три години, во декември 1972 година, астронаутите од мисијата Аполо 17, Јуџин Сернан и Херисон Шмит, поминаа околу 75 часа на Месечината истражувајќи ја долината Таурус-Литроу, додека нивниот колега Роналд Еванс орбитираше над нив. Оваа снимка од друг свет ја направил Сернан додека тој и Шмит талкале по подот на месечевата долина. На неа е прикажан Шмит покрај месечевото возило паркирано на југоисточниот раб на кратерот Шорти. Токму таму геологот Шмит го открил портокаловиот месечев прав. Екипажот на Аполо 17 се врати со 110 килограми карпи и примероци од почва — повеќе од која било друга мисија со слетување на Месечината. А засега, Сернан и Шмит остануваат последните што чекореле по Месечината.