M LXXXII: Galaxia vento supergalactico agitata

Kredit za sliku & autorska prava: NASA, ESA, CSA, A. Smercina (STScI, Tufts), T. Williams (U. Manchester); Image Processing: A. Pagan (STScI)

Explicatio: Cur Galaxia Cigarri velut rubrum fumum efflare videtur? M LXXXII, ut haec galaxia intensa stellarum formatione insignis etiam appellatur, recenti transitu prope magnam galaxiam spiralem M LXXXI perturbata est. Tamen hoc solum non satis explicat unde proveniant gas et pulvis rubro lumine fulgentes atque foras expansi. Argumenta enim ostendunt hos vapores et hunc pulverem a coniunctis ventis particularum e multis stellis emergentibus expelli, qui simul ventum supergalacticum efficiunt. Particulae pulveris ex medio interstellari galaxiae M LXXXII oriri putantur atque magnitudine particulis fumi cigarri revera similes sunt. Musivum photographicum hic exhibitum imagines luce visibili a Telescopio Spatiali Hubble captas cum imaginibus luce infrarubra a Telescopio Spatiali James Webb acceptis coniungit. In eo galaxia centralis, colore claro praedita et paene e latere visa, per medium imaginis extenditur, dum ingentia filamenta gasis et pulveris aurantiaci atque rubri coloris sursum deorsumque porriguntur. Haec filamenta ultra decem milia annos lucis patent. Galaxia Cigarri, quae circiter XII miliones annorum lucis a Terra abest, clarissima galaxia est quae luce infrarubra conspicitur. Luce autem visibili etiam telescopio parvo observari potest in directione constellationis Ursae Maioris.

Imago crastina: Asteroides lenis

Pagina originalis: Astronomy Picture of the Day

Auctores et curatores: Robert Nemiroff (MTU) & Jerry Bonnell (UMCP)
Officialis NASAe Amber Straughn Iura specialia valent.
NASA Retis Privata, Accessibilitas, Monita;
Officium ab ASD apud NASA / GSFC,
NASA Scientiae Activatio
& Michigan Tech. U.

COTIDIANA APOD INTERPRETATIO IN LATINUM CLASSICUM, SCIENTIAM RECENTEM CUM PATRIMONIO LATINO CONIUNGENS.
Pro NASA APOD in linguam Latinam vertunt: Marcus Aurelius Manilius & Dipl.Ing.Dr. Liliana Gracanin
-- UNIVERSAE INTERPRETATIONES APOD LILIANAE GRACANIN --
Gratias ago pro auxilio technico
APOD Crew & Saša Gračanin