Imago Astronomica Diei

Explora universum! Quotidie ostenditur alia imago sive photographia universi nostri fascinantis, una cum brevi explicatione a perito astronomo conscripta.

XXVII oktobris MMXXVI

Nubes Noctilucentes supra Sueciam

Credita imaginis et iura auctoralia : V. Höfer, D. Večerník & B. Večerníková

Explicatio: Interdum, dum in terra nox est, in aere dies permanet. Terra enim se vertente et Solem obtegente, occasus solis a terra ascendere videtur. Itaque, cum in terra sol occidit, eius radii nubes in alto positas adhuc illustrant. Etsi solet occasus pulcher conspici, nubes noctilucentes — res insolita — tam alte natant ut etiam post tenebras bene videantur. Quae, cum plerumque sint nimis obscurae ad videndum, aestate, post solis occasum, a radiis infra horizontem venientibus illuminatae in conspectum veniunt. Hae nubes, omnium altissimae, technice "nubes mesosphaericae polares" appellantur. Hic imago exhibetur, initio mensis Augusti capta, in qua rete nubium caerulearum noctilucentium in caelo remoto supra pratum viride prope Linköping Sueciae conspicitur; arbores autem, contra horizontem positae, ut umbrae nigrae eminent. Multa de his nubibus his tantum viginti annis comperta sunt, sed quomodo oriantur et mutentur, adhuc studiis acerrimis investigatur.

Imago crastina: Circum et circum

Pagina originalis: Astronomy Picture of the Day

Auctores et curatores: Robert Nemiroff (MTU) & Jerry Bonnell (UMCP)
Officialis NASAe Amber Straughn Iura specialia valent.
NASA Retis Privata, Accessibilitas, Monita;
Officium ab ASD apud NASA / GSFC,
NASA Scientiae Activatio
& Michigan Tech. U.

COTIDIANA APOD INTERPRETATIO IN LATINUM CLASSICUM, SCIENTIAM RECENTEM CUM PATRIMONIO LATINO CONIUNGENS.
Pro NASA APOD in linguam Latinam vertunt: Marcus Aurelius Manilius & Dipl.Ing.Dr. Liliana Gracanin
-- UNIVERSAE INTERPRETATIONES APOD LILIANAE GRACANIN --
Gratias ago pro auxilio technico
APOD Crew & Saša Gračanin