Nox Zodiaca

Credita imaginis et iura auctoralia : Neelam and Ajay Talwar (TWAN)

Explicatio: In hac scaena nocturna conspicitur fascia lucida luminis zodiaci, quae etiam "diluculum falsum" appellatur. Hic prospectus serenus captus est paulo ante initium crepusculi astronomici, inter conventum astronomiae amatoriae mense Septembri habitum in Reserva Hanle (regione caeli obscuri servata) apud Ladakh in India, in Terra planeta. Haec reserva, in altitudine fere 4500 metrorum sita, perfugium praebet studiosis qui, etiam asperis condicionibus, sidera contemplari et photographare gaudent. Dum meteora per noctem transcurrunt, Iuppiter planeta clarus in languido splendore zodiaco prope horizontem orientalem immersus apparet. Fasciam zodiacam versus verticem caeli sequere ut gregem stellarum apertum M44 atque Martem planetam, colore subflavo tinctum, prope medium imaginis invenias. Re vera, inventa fortuita pulveris interplanetarii a speculatro spatiali NASA "Juno" facta indicant ipsum Martem esse fontem illius pulveris qui lucem solarem retro spargit atque lumen zodiacum in nocte Terrae creat.

Imago crastina: Dies tantum sereni

Pagina originalis: Astronomy Picture of the Day

Auctores et curatores: Robert Nemiroff (MTU) & Jerry Bonnell (UMCP)
Officialis NASAe Amber Straughn Iura specialia valent.
NASA Retis Privata, Accessibilitas, Monita;
Officium ab ASD apud NASA / GSFC,
NASA Scientiae Activatio
& Michigan Tech. U.

COTIDIANA APOD INTERPRETATIO IN LATINUM CLASSICUM, SCIENTIAM RECENTEM CUM PATRIMONIO LATINO CONIUNGENS.
Pro NASA APOD in linguam Latinam vertunt: Marcus Aurelius Manilius & Dipl.Ing.Dr. Liliana Gracanin
-- UNIVERSAE INTERPRETATIONES APOD LILIANAE GRACANIN --
Gratias ago pro auxilio technico
APOD Crew & Saša Gračanin