Lunae, Anuli, Umbrae, Nubes: Saturnus (Cassini)

Kredit za sliku & autorska prava: NASA, JPL-Caltech, Space Science Institute

Explicatio: Dum Saturnum circumveheris, spectanda sunt pulchra coniunctiones lunarum, anulorum atque umbrarum. Talis visio insignis anno MMV apparuit atque a nave siderali Cassini, quae tum Saturnum circumibat, capta est. In imagine proposita conspici possunt lunae Mimas (sinistra) et Tethys (dextra), utraque ad latera tenuum anulorum Saturni positae, qui paene ex margine conspiciuntur. Superiorem partem Saturni obscurae umbrae latiorum anulorum tegunt, mirabilem eorum multiplicitatem ostendentes. Imago luce violacea capta etiam texturam regionis posterioris revelat: nubes Saturni. Cassini Saturnum ab anno MMIV usque ad medium annum MMXVII circumivit, cum navis automatica consulto in Saturnum demissa esset, ne ullam ex lunis contaminatione afficeret.

Imago crastina: Spatium apertum

Pagina originalis: Astronomy Picture of the Day

Auctores et curatores: Robert Nemiroff (MTU) & Jerry Bonnell (UMCP)
Officialis NASAe Amber Straughn Iura specialia valent.
NASA Retis Privata, Accessibilitas, Monita;
Officium ab ASD apud NASA / GSFC,
NASA Scientiae Activatio
& Michigan Tech. U.

COTIDIANA APOD INTERPRETATIO IN LATINUM CLASSICUM, SCIENTIAM RECENTEM CUM PATRIMONIO LATINO CONIUNGENS.
Pro NASA APOD in linguam Latinam vertunt: Marcus Aurelius Manilius & Dipl.Ing.Dr. Liliana Gracanin
-- UNIVERSAE INTERPRETATIONES APOD LILIANAE GRACANIN --
Gratias ago pro auxilio technico
APOD Crew & Saša Gračanin