Reliquiae Supernovae Nebulae Sirenae

Kredit za sliku & autorska prava: Prikupkljanje podataka: Sy Ming Wong; Obrada: Guangyan Gao

Explicatio: Num Sirenula in pulverem stellarum potius quam in spumam maris mutari posset? Ita certe videri potest in hac pulchra nebula. Imago exhibita Nebulam Sirenae ostendit, quae etiam Nebula Piscis Betta appellatur, atque pars est reliquiarum supernovae G296.5+10.0. Color caeruleus hic conspicuus ex oxygenio bis ionizato (OIII) oritur, dum rubor profundus a gasio hydrogenii emittitur. Haec nebula, quae pauca milia annorum lucis distare atque circiter decem milia annorum nata esse existimatur, orta est cum stella ingens ut supernova exploderet. Explosione relicta est pulsaria singularis, stella neutronica iuvenis radiis radioelectricis carens, quae circa bis singulis secundis circum se vertitur. Stellae clarae in imagine visae cum nebula non coniunguntur. Pulsaria radiis X deprehendi potest, sed adhuc nulla eius detectio certa in lumine optico (lumine visibili) confirmata est. Quam ob rem ipsa pulsaria in hac imagine conspici non potest.

Imago crastina: Astro-neolithicum

Pagina originalis: Astronomy Picture of the Day

Auctores et curatores: Robert Nemiroff (MTU) & Jerry Bonnell (UMCP)
Officialis NASAe Amber Straughn Iura specialia valent.
NASA Retis Privata, Accessibilitas, Monita;
Officium ab ASD apud NASA / GSFC,
NASA Scientiae Activatio
& Michigan Tech. U.

COTIDIANA APOD INTERPRETATIO IN LATINUM CLASSICUM, SCIENTIAM RECENTEM CUM PATRIMONIO LATINO CONIUNGENS.
Pro NASA APOD in linguam Latinam vertunt: Marcus Aurelius Manilius & Dipl.Ing.Dr. Liliana Gracanin
-- UNIVERSAE INTERPRETATIONES APOD LILIANAE GRACANIN --
Gratias ago pro auxilio technico
APOD Crew & Saša Gračanin