Campus COSMOS Observatorii Rubin

Credita imaginis et iura auctoralia : NSF–DOE Vera C. Rubin Observatory/NOIRLab/SLAC/AURA
Text: Cecilia Chirenti (NASA GSFC, UMCP, CRESST II)

Explicatio: In media huius imaginis parte, ab Observatorio Vera C. Rubin NSF–DOE in Chilia captae, plus quam quingenta milia galaxiarum conspiciuntur. Hic est campus COSMOS, regio caeli aliquotiens maior quam Luna plena, quam telescopium Hubble primum observavit. Eandem regionem telescopium Webb aliaque telescopia quoque perspexerunt, quoniam ea paucas admodum stellas claras galaxiae nostrae continet atque ita conspectum galaxiarum extra Viam Lacteam sitarum paene impeditum non praebet. Tabellae exteriores, numeris ab I ad Xnotatae, regiones parvas respondentes, in imagine media indicatas, propius ostendunt. Mira profecto est varietas formarum magnitudinumque galaxiarum. Nonnullae tam longe absunt, ut lux earum per miliarda annorum iter fecerit, antequam ad Terram perveniret. Observatorium Rubin ad campum COSMOS singulis fere biduis redibit, intra decennalem explorationem Perlustrationem Spatii Temporisque Posteritati Tradendam. Ita campum COSMOS motu ac mutationibus plenum contemplari licebit atque perspicere, quomodo caelum temporis decursu mutetur.

Imago crastina: Quid deinde?

Pagina originalis: Astronomy Picture of the Day

Auctores et curatores: Robert Nemiroff (MTU) & Jerry Bonnell (UMCP)
Officialis NASAe Amber Straughn Iura specialia valent.
NASA Retis Privata, Accessibilitas, Monita;
Officium ab ASD apud NASA / GSFC,
NASA Scientiae Activatio
& Michigan Tech. U.

COTIDIANA APOD INTERPRETATIO IN LATINUM CLASSICUM, SCIENTIAM RECENTEM CUM PATRIMONIO LATINO CONIUNGENS.
Pro NASA APOD in linguam Latinam vertunt: Marcus Aurelius Manilius & Dipl.Ing.Dr. Liliana Gracanin
-- UNIVERSAE INTERPRETATIONES APOD LILIANAE GRACANIN --
Gratias ago pro auxilio technico
APOD Crew & Saša Gračanin