Arcus igneus super Virginiam Occidentalem

Credita imaginis et iura auctoralia : Christa Harbig

Explicatio: Quid huic nubi accidit? Crystalli glaciales in remoto cirro tamquam parva prismata in aere fluitantia agunt. Propter speciem flammarum similem, haec forma vulgo arcus igneus appellatur; re vera autem est arcus circumhorizontalis, qui horizonte parallele conspicitur. Ut arcus circumhorizontalis videri possit, Sol saltem LVIII gradibus supra horizontem eminere debet, dum in caelo adsunt cirri — hoc quidem casu cirrus fibratus. Numerosi crystalli glaciales plani atque hexagoni, ex quibus cirrus constat, horizontaliter disponi oportet, ut lucem Solis omnes simili modo refringant. Quam ob rem arcus circumhorizontales non saepe conspiciuntur. Arcus igneus hic anno MMXXI prope montem North Fork Mountain, in Virginia Occidentali Civitatum Foederatarum Americae, photographice captus est.

Imago crastina: Nebula ab hospite improviso intercepta

Pagina originalis: Astronomy Picture of the Day

Auctores et curatores: Robert Nemiroff (MTU) & Jerry Bonnell (UMCP)
Officialis NASAe Amber Straughn Iura specialia valent.
NASA Retis Privata, Accessibilitas, Monita;
Officium ab ASD apud NASA / GSFC,
NASA Scientiae Activatio
& Michigan Tech. U.

COTIDIANA APOD INTERPRETATIO IN LATINUM CLASSICUM, SCIENTIAM RECENTEM CUM PATRIMONIO LATINO CONIUNGENS.
Pro NASA APOD in linguam Latinam vertunt: Marcus Aurelius Manilius & Dipl.Ing.Dr. Liliana Gracanin
-- UNIVERSAE INTERPRETATIONES APOD LILIANAE GRACANIN --
Gratias ago pro auxilio technico
APOD Crew & Saša Gračanin