Figurae Pulveris Nebulae Umbraticae

Credita imaginis et iura auctoralia: Kent Wood

Explicatio: Ecquis tibi ex hac interstellari regione stellarum atque pulveris formae repente eminere videntur? Haec regio fulgens, tenuibus nubibus lumen stellarum reflectentibus distincta, per noctem fluit in regia constellatione Cephei. Longe a finibus vicinitatis tuae in planeta Terra, hae quasi larvarum species latent iuxta planum Viae Lacteae, in extremo regionis molecularis quae Cepheus Flare appellatur, circiter MCC annos-lumine remota. Plus quam duo anni-lumine lata et aliis formis spectrisque lucidior, VdB 141 sive Sh2-136 etiam Nebula Larua vocatur, in medio imaginis propositae posita. Intra hanc nebulam reflexionis inditia apparent nucleorum densorum in primis stellarum ortus gradibus inter se colliquentium.

Imago crastina: Spatium apertum

Pagina originalis: Astronomy Picture of the Day

Auctores et curatores: Robert Nemiroff (MTU) & Jerry Bonnell (UMCP)
Officialis NASAe Amber Straughn Iura specialia valent.
NASA Retis Privata, Accessibilitas, Monita;
Officium ab ASD apud NASA / GSFC,
NASA Scientiae Activatio
& Michigan Tech. U.

COTIDIANA APOD INTERPRETATIO IN LATINUM CLASSICUM, SCIENTIAM RECENTEM CUM PATRIMONIO LATINO CONIUNGENS.
Pro NASA APOD in linguam Latinam vertunt: Marcus Aurelius Manilius & Dipl.Ing.Dr. Liliana Gracanin
-- UNIVERSAE INTERPRETATIONES APOD LILIANAE GRACANIN --
Gratias ago pro auxilio technico
APOD Crew & Saša Gračanin