Астрономска слика на денот

Откриј го космосот! Дневна слика за астрономијата и астронаутиката со кратко објаснување од астрономите.

16 декември 2025

Андромеда и спрајтови над Австралија

Кредит за слика & авторски права: JJ Rao

Објаснување: Што се случува над тоа дрво? Две сосема различни појави. Лево е галаксијата Андромеда, објект постар од човештвото и таков што ќе опстојува уште милијарди години во иднината. Андромеда (M31) е слична по големина и облик на нашата Млечна Патека. Десно е црвен спрајт, вид молња што трае само дел од секунда и се појавува над силни грмотевични бури. Црвените спрајтови беа потврдени како реални атмосферски појави дури пред околу 35 години. Дрвото во средината е боаб, коj може да живее и до илјада години. Боаб дрвјата природно растат во Австралија и Африка и се познати по тоа што можат да складираат големи количини вода — до 100.000 литри. Прикажаната фотографија е направена минатиот месец во близина на Дерби, во Западна Австралија.