Астрономска слика на денот

Откриј го космосот! Дневна слика за астрономијата и астронаутиката со кратко објаснување од астрономите.

07 октомври 2025

SN Encore: Втора супернова видена повеќепати

Кредит за слика & авторски права: Webb (main): NASA, ESA, CSA, STScI, J. Pierel (STScI) & A. Newman (Carnegie Inst. for Science);
Hubble (rollover): NASA, ESA, STScI, S. A. Rodney (U. South Carolina) & G. Brammer (NBI, U. Copenhagen)

Објаснување: Сега и втора супернова во истата галаксија „се повторува“. Причината е ефектот на гравитациска леќа од масивно јато галаксии (MACS J0138), кое создава повеќекратни слики од совршено подредената позадинска галаксија (MRG-M0138). Особено интересно е што оваа позадинска галаксија содржи млади ѕвезди што постојано експлодираат. А сликите од секоја експлозија на супернова ни пристигнуваат повеќепати, по различни патеки низ јатото. Првиот сет на гравитациски-леќно умножени супернови, прикажан на придружната снимка, е наречен Requiem и првпат бил забележан со вселенскиот телескоп „Хабл“ во 2016 година. Овој втор сет на леќно умножени супернови е наречен Encore и првпат бил забележан со вселенскиот телескоп „Веб“ во 2023 година. Се предвидува дека на пат се уште слики од овие супернови, а точниот момент на нивното пристигнување може да му помогне на човештвото подобро да ја разбере распределбата на масата во јатото галаксии, самите супернови, а можеби дури и Универзумот.