Umbrae in Cassiopeia

Credita imaginis et iura auctoralia: Alex Rodriguez

Explicatio: Dies Halloween festum astronomicum est, et figurae formidulosae in caeli nocturni Telluris campis semper latere videntur. Prope enim centrum huius conspectus telescopici in constellationem Cassiopeiae nubes illas interstellaris retrorsum quasi verrentes, IC LIX ad sinistram et IC LXIII ad dextram, specie phantasmatis in magnitudine cosmica apparent. Abhinc circiter sescentos annos luce remotae, nubes non sunt vera spectra; lente tamen evanescunt vi radiorum energeticorum a stella calida et lucida Gamma Cas missa. Illa stella caeruleo fulgore maxime nitens in imagine, Gamma Cas, reapse solum tribus ad quattuor annis luce a nebularum regione distat. Nubes IC LXIII, Gamma Cas propius sita, lumine rubro H-alpha dominatur, quod effunditur cum atomi hydrogenii, a radiis ultraviolaceis stellarum ionizati, cum electronibus recomponuntur. Longius autem a stella posita IC LIX quoque emissionem H-alpha ostendit, atque utraque nebula illo caeruleo splendore fulget, qui proprius est pulveri stellarum lumen reflectenti. Campus totus aspectus circiter duo gradus, id est viginti annos luce, complectitur secundum distantiam harum apparitionum interstellarium existimatam.

Imago crastina: Septem sorores formidulosae

Pagina originalis: Astronomy Picture of the Day

Auctores et curatores: Robert Nemiroff (MTU) & Jerry Bonnell (UMCP)
Officialis NASAe Amber Straughn Iura specialia valent.
NASA Retis Privata, Accessibilitas, Monita;
Officium ab ASD apud NASA / GSFC,
NASA Scientiae Activatio
& Michigan Tech. U.

COTIDIANA APOD INTERPRETATIO IN LATINUM CLASSICUM, SCIENTIAM RECENTEM CUM PATRIMONIO LATINO CONIUNGENS.
Pro NASA APOD in linguam Latinam vertunt: Marcus Aurelius Manilius & Dipl.Ing.Dr. Liliana Gracanin
-- UNIVERSAE INTERPRETATIONES APOD LILIANAE GRACANIN --
Gratias ago pro auxilio technico
APOD Crew & Saša Gračanin