Cygnus, Cygnus, Aquila

Credita imaginis et iura auctoralia: Adam Block

Explicatio: Cometes C/2025 R2 (SWAN) viridiorem comam caudamque obscuriorem gerit, inter stellas et nubes interstellaris pulveris in hoc campo visus telescopico latitudinis septem graduum die XVII Octobris conspectus. Eo die novus hospes in interiorem Systematis Solariss partem comiter se obtulit duobus aliis avibus caelestibus, versus centrum Viae Lacteae visis. Messier XVI, prope imum imaginis, et Messier XVII, observatoribus caeli profundioris etiam notae ut Nebula Aquilae et Nebula Cygni, apparent. Quod viride fulgor comae cometae in imagine receptus est, provenit a fluoratione gasii carbonis diatomici luce solis excitati; at rubrae nebularum tincturae, regiones stellarum formandarum circiter quinum milium annorum lucis remotae, propriae sunt gasii hydrogenii ionizati. Cometes SWAN nunc a Sole recedit, sed adhuc idoneus est ut per binocularia parvosque telescopios spectetur, si quis ad horizontem meridianum in caelo serotino hemisphaerii borealis inspicere potest. C/2025 R2 (SWAN) die XX Octobris orbi nostro proximus fuit, intervallo modico duarum minutorum et duarum decimarum lucis.

Imago crastina: Saturnus nocturnus

Pagina originalis: Astronomy Picture of the Day

Auctores et curatores: Robert Nemiroff (MTU) & Jerry Bonnell (UMCP)
Officialis NASAe Amber Straughn Iura specialia valent.
NASA Retis Privata, Accessibilitas, Monita;
Officium ab ASD apud NASA / GSFC,
NASA Scientiae Activatio
& Michigan Tech. U.

COTIDIANA APOD INTERPRETATIO IN LATINUM CLASSICUM, SCIENTIAM RECENTEM CUM PATRIMONIO LATINO CONIUNGENS.
Pro NASA APOD in linguam Latinam vertunt: Marcus Aurelius Manilius & Dipl.Ing.Dr. Liliana Gracanin
-- UNIVERSAE INTERPRETATIONES APOD LILIANAE GRACANIN --
Gratias ago pro auxilio technico
APOD Crew & Saša Gračanin