Cometa Lemmon super Montes Tatrae

Credita imaginis et iura auctoralia: Tomáš Slovinský & Constantine Themelis

Explicatio: Cometa Lemmon spectaculum praebet totis orbis terrarum camerīs captandum. Hac hebdomade Terrae proximus praeteriens, hic photogenicus cometes C/MMXXV AVI (Lemmon) nunc duas longas caudas extendit: caudam ionicam caeruleam et caudam pulveris albam. Cauda ionica vi venti solaris, perpetui sed semper mutabilis, a Sole repellitur; structuras etiam ostendit quas variatio quantitatis gasis unoquoque momento eiecti efficit. Haec cauda lucet quia radiis solaribus altae energiae ionizatur. Cauda pulveris a lumine solis a cometa proturbatur et ipsius lucem reflectendo splendet. Imago proposita est compositum auctum quinquaginta expositionum, omnibus ante biduum captarum ex Mlynica in Slovakia. Montes in primum planum procedentes sunt Tatrae Altissimae, quae Slovakiam a Polonia partim distinguunt. Quamquam Cometa Lemmon optime perspicitur in longioribus expositionibus photographicis, haec glaciata sphaera, particulas deiciens, leviter visibilis facta est etiam oculis nudis in septentrionali caelo — sub tenebris puris in occidentem, post solis occasum spectantibus.

Imago crastina: Anas, anas, anser

Pagina originalis: Astronomy Picture of the Day

Auctores et curatores: Robert Nemiroff (MTU) & Jerry Bonnell (UMCP)
Officialis NASAe Amber Straughn Iura specialia valent.
NASA Retis Privata, Accessibilitas, Monita;
Officium ab ASD apud NASA / GSFC,
NASA Scientiae Activatio
& Michigan Tech. U.

COTIDIANA APOD INTERPRETATIO IN LATINUM CLASSICUM, SCIENTIAM RECENTEM CUM PATRIMONIO LATINO CONIUNGENS.
Pro NASA APOD in linguam Latinam vertunt: Marcus Aurelius Manilius & Dipl.Ing.Dr. Liliana Gracanin
-- UNIVERSAE INTERPRETATIONES APOD LILIANAE GRACANIN --
Gratias ago pro auxilio technico
APOD Crew & Saša Gračanin