Imago Astronomica Diei

Explora universum! Quotidie ostenditur alia imago sive photographia universi nostri fascinantis, una cum brevi explicatione a perito astronomo conscripta.

XII septembris MMXXV

Defectus Lunaris in Duobus Hemisphaeriis

Credita imaginis et iura auctoralia: Septentrio - Zhouyue Zhu, Meridies - Lucy Yunxi Hu

Explicatio: Explicatio: Defectus lunaris totus Septembris per nocturna caeli spatia utriusque hemisphaerii planetae Terrae observatus est in his duabus seriebus temporis lapsūs dramaticis. In serie hemisphaerii septentrionalis (tabula superiore) vestigium Lunae ab angulo sinistro superiore ad angulum dextrum inferiorem arcum facit. Subter planetam Saturnum lucidum transit, visum sub caelo plerumque sereno ex campo internationali Universitatis Zhejiang in Sinis, circa latitudinem triginta graduum septentrionalem. Contra, aspectus hemisphaerii meridionalis e Lacū Griffin, Canberra, Australia ad latitudinem triginta quinque graduum meridionalem, vestigium Lunae ab angulo dextro superiore ad angulum sinistrum inferiorem depingit. Fulmina multa ex tempestatibus iuxta horizontem apparent in lacū reflexa. Utraque series photographata est per lentem latam 16mm et utrumque defectum totum comprehendit, cum Luna obscurata rubra penitus immersa esset in umbram Terrae prope medium. Sed diversae directiones viae Lunae per caelum ostendunt mutationes prospectūs ex visibus hemisphaerii septentrionalis contra meridionalem.

Imago crastina: Vestigia stellarum unius miliarii

Pagina originalis: Astronomy Picture of the Day

Auctores et curatores: Robert Nemiroff (MTU) & Jerry Bonnell (UMCP)
Officialis NASAe Amber Straughn Iura specialia valent.
NASA Retis Privata, Accessibilitas, Monita;
Officium ab ASD at NASA / GSFC,
NASA Scientiae Activatio
& Michigan Tech. U.

DAILY APOD TRANSLATION INTO CLASSICAL LATIN, UNITING MODERN SCIENCE WITH LATIN HERITAGE
Versio in linguam Latinam: Dipl.Ing.Dr. Liliana Gracanin & Marcus Aurelius Manilius
-- UNIVERSAE INTERPRETATIONES APOD LILIANAE GRACANIN --
gratias ago pro ausilio technico
- Sasha Gracanin & Kyrion Hale