NGC 253: Pulvis universi insulani

Credita imaginis et iura auctoralia: Adam Block

Explicatio: Nitens NGC 253 inter lucidissimas galaxias spirales conspicuas numeratur, sed etiam inter pulverulentissimas. Quidam eam vocant Galaxiam Nummum Argenteum ob speciem in telescopiis minoribus, alii simpliciter Galaxiam Sculptoris propter situm intra fines constellationis austrinae Sculptoris. A Carolina Herschel anno 1783 detecta, haec insula universi pulveris plena tantum decem milionibus annorum luminis a nobis abest. Septuaginta milia annorum luminis in diametro patens, NGC 253 maxima est inter sodales Coetus Sculptoris, qui vicinissimus est nostro Coetui Locali. Praeter latebras spirales pulveris, vincula et fibras pulveris e plano galaxiae quasi surgere videntur, iuvenibus globis stellarum et regionibus stellarum generandarum pertexta, ut hoc pictum coloratum ostendit. Copia tanta pulveris cum furiosa formatione stellarum coniungitur, unde NGC 253 nomen galaxiae eruptivae stellarum (starburst) accepit. NGC 253 etiam notum est ut fons validus x-radiationis altae energiae et gamma-radiationis, verisimiliter ob foramina nigra prope centrum galaxiae sita.

Imago crastina: Equus obscurus

Pagina originalis: Astronomy Picture of the Day

Auctores et curatores: Robert Nemiroff (MTU) & Jerry Bonnell (UMCP)
Officialis NASAe Amber Straughn Iura specialia valent.
NASA Retis Privata, Accessibilitas, Monita;
Officium ab ASD apud NASA / GSFC,
NASA Scientiae Activatio
& Michigan Tech. U.

COTIDIANA APOD INTERPRETATIO IN LATINUM CLASSICUM, SCIENTIAM RECENTEM CUM PATRIMONIO LATINO CONIUNGENS.
Pro NASA APOD in linguam Latinam vertunt: Marcus Aurelius Manilius & Dipl.Ing.Dr. Liliana Gracanin
-- UNIVERSAE INTERPRETATIONES APOD LILIANAE GRACANIN --
Gratias ago pro auxilio technico
APOD Crew & Saša Gračanin